Muslim - Aji M3aya مسلم ـ أجي معايا LYRICS
كلمات مغني الراب المغربي المشهور ـ مسلم ـ أغنية أجي معايا
حيث ديما تتشوفها غير مزوقة ... كيفما ديما الناس مجوقة.
عمرك تشوفها كيفما تنشوفوها ... من لتحت ماشي من فوقها.
على بالك بلي الراس مبوقــا ... على بالك بلي التحت معوقة.
على بالك بلي شحال من واحد عينو فيها باغي الفرصة باش إحرقها .
شحال من واحد تاقت فيه أو سرقها ... شحال من واحد باعها غير بالمرقة
شحال من واحد خارج إهضر على حقو ... شحال من واحد خارج باش إفرقها
دابا عاقت بلي غير تينافقها ... بلي داخل طامع غير فرزقها .
بلي مشاف منها غير دمها أو ذل ... أو باقي من قلبو تيعشقها .
ملي بلادي تولي قسح من الغربة ... ملي حياتي فيها تولي كومبا .
ملي مايبقالي فيها والو مخاسر والو تنولي بومبا
آجي عيش معانا لباغي تفهم ... وريني كيفاش تحضر غير درهم .
كين لحبس أن لقبر عندك قلب تغامر وريني كيف تخرج من جهنم .
آجي تشوف سنينَّا كيف إفوتو ... آجي باش تشوف كفاش نموتو .
آجي تشوف لبوفري كفاش مكرفس زظم على نفسو باش إدخّل قوتو.
آجي معايا فتح عينك أوزومي ... قرب مني باش تفهم همومي .
آجي عيش معايا غير نهار أو ليلا باش تقارن بين يومك أو يومي .
جي معايا شوف بعينيك أو ماتلومني ، دراري بين زناقي عايشييين كيف الرومبي.
ماعلابالي بييك ولا لمعاك إبغييونــــــــي ، خــــــــــوتو نشــــــــــوف الحالـــــة ديـــــــــالهم ابكيوني.
آجي معايا .. آجي معايا .. آجي معايا
آجي معايا .. آجي معايا .. آجي معايا
خوتي فوق لفلوكا ... خوتي تحت رمُّوكا .
خوتي تاقو بالموت ملي الطموح تبلوكا.
جيل تيفكر يبراكي لبلوكا
كولشي باغي لا فيدا لوكا
كولشي ولا القدوة ديالو بابلو باترون دو كوكا
قولي شكون لدخّل دروڭا
شباب ديالنا كامل عمل اليوڭا .
المجتمع ولا غابة باش نعيشو فيها خاص على كتافي بازوڭا
جينيراسيون كتسيَّل ريوڭا ... خلات غير الشيطان ليسوڭها .
ما علبالها بلي كاين الدنيا والدين أو لافيدا عاشوها لڭنوكا .
ولد بلادي قاري وغِبيطالي ... بيطالي وفالحومة غِمكالي .
ملي متبدل والو بنادم ولا كاشف أو بالي .
مضاع والو غير لعمر لغالي ... كولشي ديالك حتى حاجة مديالي .
مالو مالي ؟ ولا مالك ملِّي ماعلا بالك بيا ولا أنا مالي ؟.
مساخط حنا ولا دنيا مسخوطا ؟.. تفلسنا حيت الحياة سلڭوطا .
ولا نتا لي خليتينا فوقارا ولا لميزيريا فينا مزعوطا .
هاذا الفقر تيغني بلا نوطا ... باش تفهمني فك ودنيك مربوطا
آجي معايا نتا هو راس الخيط شوف الحل قبل متخبل لخيوطا
جي معايا شوف بعينيك أو ماتلومني ، دراري بين زناقي عايشييين كيف الرومبي.
ماعلابالي بييك ولا لمعاك إبغييونــــــــي ، خــــــــــوتو نشــــــــــوف الحالـــــة ديـــــــــالهم ابكيوني.
آجي معايا .. آجي معايا .. آجي معايا
آجي معايا .. آجي معايا .. آجي معايا
.
Prod by SharizaRPRod Company